المقادير:
كيس مكرونة مسلوقة (أي نوع تحبيه)
4 قطع فراخ بانيه مقطّعة مكعبات
2 ثمرة فلفل رومي مقطّع حلقات
بصلة متوسطة مفرومة
كوب جبنة موتزاريلا
3 ملعقة كبيرة زيت
كوب جبنة كريمي
كوب قشطة
علبة زبادي
ملح وفلفل
الطريقة:
1- اخلطي القشطة مع الجبنة الكريمي (ممكن تستخدمي جبنة نستو) والزبادي في طبق غويط، وسيبيهم على جنب.
2- شوّحي البصل في زيت الزيتون على نار متوسطة لغاية ما يبقى لونه دهبي، وبعد كده ضيفي عليه الفراخ وشوية ميه صغيرين، وقلّبيهم مع بعض لغاية ما الفراخ تستوي.
3- بعد كده ضيفي حلقات الفلفل الرومي، وتبّلي الخليط بالملح والفلفل، وبعدين ضيفي المكرونة المسلوقة وخليط الجبنة، وقلّبيهم كلهم مع بعض على النار، مع إضافة القليل من الماء، وقبل ما تطفي النار ضيفي الجبنة الموتزاريلا.
4- اغرفي المكرونة في أطباق التقديم وهي سخنة، وزيّنيها بأوراق الريحان أو البقدونس الأخضر.. وبالهنا والشفا.
قم بنشر الموضوع من خلال الأيقونات التاليه لتشجيعنا على الإستمرار
|
|
0 التعليقات:
إرسال تعليق